Jen la sesa libroforme eldonita poemaro de Baldur Ragnarsson, "Momentoj kaj meditoj": momentoj por mediti kaj meditoj por ajna momento. Baldur, la filo de Ragnar (guste tion signifas la ne­familia nomo Ragnarsson en la islanda lingvo), revenas per la memoro al la teroj kaj veteroj de sia junago, al iamaj paroloj kaj esploroj, ec al la siatempa ekkono de la fruaj tekstoj de ankorau juna kaj fresa lingvo nomata Esperanto. La senhaste promenanta autoro jen kaj jen haltas por verki poemon kaj, samage, por haltigi la tempon. Ankau ni, lingvaj amikoj au idoj de Baldur, haltu plurfoje kun li, kun tiu ci libro enmane, por legi kaj frandi kontemple jen tiun jen alian mistere au klare simplan poemon. (Jorge Camacho) --- Nun, kiam niaj vivojaroj proksimigas al la fino, la pen­soj disvagas sen aparta orientigo reen kaj haltas momente en enmemoraj lokoj, kiuj estas diafane vualitaj, sed tamen protektas intiman sperton. Multaj el la ci-volumaj poemoj estas naskitaj kaj nutritaj el tiu tero, kvankam malegale evidente. Aludoj al mia islanda origino estas ofte konstateblaj, atmosferaj kaj mitologiaj, kunmiksitaj per miaj spertoj pri aktualaj cirkonstancoj. Realismaj sentoj pri mia pozicio kiel esperanta poeto, pri mia amo al la lingvo kaj pri mia nostalgio al la tempo, kiam nenia dubo pri gia futuro ombris miajn pensojn, estas ankau videblaj en tiuj lastaj miaj poemoj. (Baldur Ragnarsson)