Omschrijving
Vir te lank is daar te min gesê oor hoe ongelooflik katte is. Hierdie boek vertel die (ware!) verhale en geheime van vurige en kordate katte. Daar is verhale oor katte wat lewens red, katte wat Hollywood-sterre geword het en selfs ’n brawe klein katjie wat die Nazi’s om die bos gelei het. ’n Purr-fekte boek vir katliefhebbers!
Kimberlie Hamilton het eers in sonnige Suid-Kalifornië gewoon, maar bly nou saam met haar verloofde en vier katte in die mistige noorde van Skotland. Sy het oor die jare allerhande dinge geskryf, soos reisbrosjures, draaiboeke, webtuistes en leermiddels vir haar Engels-studente in Japan. Sy is gek oor diere (veral katte!) en om vermaaklike nie-fiksieboeke vir kinders te skryf. Kimberlie het ’n meestersgraad in draaiboekskryf aan die Universiteit van Kalifornië in Los Angeles behaal en is op die oomblik besig met nog ’n meestersgraad in kreatiewe en kulturele kommunikasie aan die Universiteit van Aberdeen. Sy deel haar avonture en foto’s op haar reis- en leefstylblog.